胡杏兒前日應邀遠赴法國巴黎出席「Longchamp 2017年春夏系列發佈會」，忘卻日前跟老公在戲院吵架的小風波，心情甚佳的杏兒說：「呢邊天氣好好，又唔凍，工作前仲有少少時間去行街，所以好開心。我仲遇到個好好傾嘅司機，提醒我喺巴黎要小心俾人打荷包。」杏兒還特別為此行買了部新相機：「今次會逗留一段時間，會四圍去玩同shopping，好想食越南河粉。」她更自爆未出發行李已超磅：「淨係衫都兩篋，總共帶咗8套衫、半打手袋同半打鞋，未出發已經爆晒篋。」
杏兒又分享了來年春夏季的衣着配搭心得：「我會揀啲顏色較淺同粉色系列，鍾意有花卉圖案嘅襯衫裙，最重要係着得舒服，同容易配襯嘅袋。」
撰文：陳以晴