跟基金界友人閒聊，友人指現時香港證券法規越來越嚴，已接近「做唔到生意」。他說：「雷曼喺08年執咗笠，直接令金融海嘯爆發，全世界監管當局即刻借勢收緊監管，呢個我明白嘅，好似某大鼻男星所言，人係要管嘅（更正，該男星應只是說中國人要管），但𠵱家真係管得有啲過份。」
有沒有例子？友人說：「好似近年息口長期保持喺超低息水平，越嚟越多人鍾意買債，以前買債好簡單，只要有1球美仔（美金）嘅專業投資者就可以買到，但今時唔同往日，買之前要簽大批文件，用嚟證明堅係專業投資者，唔再係你話你有錢就係專業投資者㗎喇。」
簽多一、兩份文件，問題不是太大吧？友人續說：「呢個係個人投資者嘅層次，券商嘅層次，個問題就大喇，冇相關牌照當然唔賣得啦，但點樣先可以攞到個牌？就係要有賣債經驗！即係想點先？想迫人高價買券商牌？咁樣大家都唔使入行啦！真係唔知班人諗乜。」
友人越說越激動。他說：「唔使等人哋追上嚟，香港就自己玩死自己了！」不會吧……
密西比