已報爭11月4日美國育馬者盃泥地一哩大賽的本港泥地中距離王「準備就緒」，這天由潘頓試沙田第10組泥地1200米大閘，練馬師方嘉柏全程吼實，十分緊張。「準備就緒」沿途居中，直路後追點到即止，結果跑第二，冠軍是一放到底的蔡明紹座騎「華美之友」，另一高分馬「誰可拼」跑第三。
方嘉柏說：「我很滿意『準備就緒』今課試閘的走勢，牠將再試一課泥閘，才落實是否成行遠征美國，暫時看成數極高，只要牠照過氣管一切正常冇痰，健康狀態良好，當會成行。當日潘頓可能在澳洲跑大賽，未必能分身到美國，但能參與育馬者盃機會難得，相信潘頓都不想錯過，要看騎者的抉擇了。」
「準備就緒」過去曾經喺杜拜、日本遠征過三場賽事，最叻係今年3月6日在杜拜2000米泥地一級賽麥通第三輪挑戰賽奪得亞軍，只不敵頭馬「特殊戰將」。