建制派在中聯辦強力「協調」下，支持經民聯梁君彥出選立法會主席，但中聯辦如此高調施壓，令有意選主席的新民黨田北辰及謝偉俊也心中有氣。有泛民中人指，西環干預建制派投票取向，以往一直存在，只是「寧俾人知、莫俾人見」，但今次西環「協調」立會主席人選，多名建制派公開承認事前有見過西環，難免令人猜測西環是否有意「示威」，「就算擺明干預都吹我唔脹！」
該政界中人稱，以往西環一直干預建制派投票取向，但向以支持特首或特區政府施政、打擊泛民反對派為名，「即係干預都要有個冠冕堂皇理由」，而且以往與西環見面後，建制派議員一律封口，不會承認見過，他記得2013年自由黨田北俊提出引用《立法會（權力及特權）條例》徹查商交所案，當時石禮謙、張華峰表態支持，令立會有機會通過動議，當時有消息指石禮謙投票前突取消召開一個帳委會閉門會議，被傳召到西環「照肺」，事後石果然轉軚，但不肯承認曾與中聯辦官員見面，可見當年西環向建制議員「摸底」、「照肺」，仍然不想人知道。
建制派議員認與西環摸底
但今次立會主席選舉，不論民建聯李慧琼、梁君彥等建制派議員，均直認就主席選舉問題與西環「摸底」，又稱西環關心是十分正常，但該政界中人稱，立會是獨立於行政機關，「就算係港府干預立法會選主席，已經大有問題，係明目張膽干預立法機關，何況西環喺香港管治架構根本冇角色，佢干預就更離譜」，而建制議員一反常態，公開承認西環曾「摸底」，究竟是有心擺西環「上枱」，「定係西環惡到擺明唔怕俾人話佢干預特區？」
季陶
周一、三、五刊出