澳門旅遊較香港吸引，起碼有新意！對外國人或者內地人而言，至少澳門新酒店一間又一間，新濠影滙、永利皇宮、巴黎人，有摩天輪、纜車同巴黎鐵塔，起碼影相上網打卡，全新景點有話題性，比起香港名店商場千篇一律，吸引到朋友留吓言，問吓好唔好玩。
早年有來過香港幾日的澳洲朋友，今次山長水遠飛來香港，直接在機場坐船到澳門，到澳門入住六星級酒店奢華一下，每日到唔同的米芝蓮餐廳食飯，玩吓數年前未有的酒店新景點，他們覺得至少覺得使錢使得爽，因為香港酒店同樣貴，房仔細細，仲要冇咩特別，香港除咗購物咩都冇，都寧願去澳門消費，至少相同價錢，旅客享受到更多！
今次黃金周，去到10月3日，澳門內地旅客量單日已經反彈超過10%，香港？中低價酒店同賓館確實爆滿，貴價酒店唔滿，證明內地旅客大多是首次來港，大多像農民、礦工膚黑，想最平消費見識吓香港，花錢到藥房買下「港貨」，包括奶粉、化妝品，有消費力的旅客，自然吸晒去澳門奢華吓，高大上（即高端、大氣、上檔次），完全符合內地人的本性！
Melody
http://www.facebook.com/whichroad
本欄逢周三刊出