熱普城喺立法會選舉中出戰五區只勝出一席，曾經話過加咗一席後，喺九西瞓喺度都贏嘅黃毓民，最終倒灶輸畀青年新政游蕙禎，熱普城自此對青政一直追擊，仲標籤佢哋為「共青新政」，都批評得幾唔客氣！
可能真係仲有一股怒氣在心頭，同樣喺新東敗選、講過會喺網上消失嘅國師陳雲，噚日喺fb發功，就住游BB嘅扑嘢論指：「九西選民有眼光，選咗議員教仆（扑）嘢。扑嘢記得要排隊，一樓一鳳守秩序。」
有網民見到國師咁講，讚佢係性情中人，不過國師似乎誤會咗游BB嘅講法，將「排隊扑嘢」理解為後生仔幫襯一樓一鳳噃，因為游BB本來係講緊香港土地問題，話年輕人還緊學債，仲邊有錢租樓買樓，惟有幫襯時鐘酒店。