【本報訊】英國政府擬啟動脫歐談判後不會優先保障金融服務業，而且拒絕商界的要求跟歐盟簽訂臨時協議，以緩衝脫歐後對經濟所構成的影響。在倫敦從事金融服務業的香港人George表示，現時倫敦金融業對前景看法「灰爆」，「脫歐後就冇B仔（bonus），𠵱家係連工都冇！」
港人George在倫敦從事金融服務業5年，他指今年9月起已傳出多間大行裁員消息，「有間英資大行上個月炒咗人，幾個幾個咁炒，好似唧牙膏式咁，唔會一個batch咁炒」。
跟很多同行一樣，George並不看好倫敦金融業前景，預期今年有可能較去年更差；各間大行做定明年預算，做不同風險評估，多數由過往擴張人手改為精簡架構。至於身邊同事有否謀定後路，George反問：「都冇工，點搵？個個都喺度死守爛守，驚俾人炒，個個都搵唔到工喇」。