吳千語昨日於尖沙嘴出席關注乳癌慈善義賣活動，千語大讚男友林峯天生皮膚好，屬天生抗衰老。問到她的嫁期？千語說：「𠵱家尚早，自己好多嘢未做，10月尾生日23歲，仲年輕。」但男友已不年輕？千語說：「男仔冇乜所謂，佢童顏，去到外國成日俾人查身份證，啲外國朋友啱啱識佢，知道佢幾多歲都『吓？唔係嘛？睇落唔似』，個樣後生、心態後生，幾多歲唔緊要。」
提到日前楊怡婚禮，千語冇影，有傳聞指她不想男友黐無綫的人所以缺席，千語說：「唔係，因為唔識主人家，所以唔去箒，我哋都見過，食過飯飲過嘢。」楊怡婚禮當日，千語跟「好姊妹」馬天佑現身機場，一杯果汁兩份飲，千語說：「嗰日我哋一齊去接朋友機，杯果汁有兩支管。」
採訪：羅慧敏
攝影：陳慧安