沒有抗爭哪有改變，社民連2011年起不時走入港鐵站示威，抗議港鐵加價。今年終於改變喇，但唔係港鐵減價，而係港鐵5年嚟首次出傳票，控告社民連同工黨6名成員，話佢哋冇遵從站內職員指示。
其中社民連馬雲祺同村長黃浩銘嘅案件噚日提堂，聆訊期間有小插曲，負責排審期嘅主任裁判官練錦鴻講講吓嘢突然大喝：「好好笑呀兩位？唔好嘻皮笑臉！」村長當時冇出聲，事後喺庭外面解釋，佢哋見到前面有律師個文件夾貼住和平佔中貼紙，會心微笑箒。
村長噚日對原本處理案件嘅特委裁判官余振邦話「抗議港鐵加價，我不認罪」，阿官就話喇：「你講認唔認罪咪得囉，抗咩議箒？」話法庭唔係抗議嘅地方、而係尋求公義嘅地方，但阿官補多句「公唔公義好主觀」。