港超踢咗幾輪已有教練落鑊！今季新軍標準灝天周日主場對港會兩度領先下，最後以2:3爆冷輸波，一眾高層好唔高興，話要解散教練團；教練招重文同助教潘文俊噚日齊齊接解僱信，球隊暫時未知邊個接手。我求大俠當日都有入場睇波，標準灝天踢得麻麻，領先後以為贏硬就放鬆晒，俾技術普通但戰意十足嘅港會連入兩粒，由贏變輸。灝天今季四場聯賽得一勝三負，排第七。