周日歷史性奪得男子世界盃銅牌嘅香港乒乓球手黃鎮廷，賽後喺社交網站上載比賽相答謝球迷支持：「自己攞到世界三大賽事嘅其中一面獎牌，真係好開心！」黃鎮廷今日下晝就會返港。另外，俄羅斯黑客組織日前公佈第六批共20個運動員嘅醫療檔案，包括日本乒乓球名將福原愛，據報佢之前食過腎上腺皮質類固醇「強體松」，可以增強表現。