陳敏之、高海寧與楊洛婷昨日傍晚在尖沙嘴出席癌症基金會活動，已懷孕6個月的陳敏之腹部不算很大，她表示：「可能因為肥晒喺個胎度，唔係肥喺媽咪度，不過我一着貼身衫，其實個肚都好現，𠵱家盡量食啲有機食物，又鍾意咗食牛肉，可能陀仔關係。」又指最近檢查過，「腿好長，腳板好大，十足我咁，睇佢都會好高大。」
高海寧由倫敦出席宋熙年的婚禮回來，她表示：「去咗十幾日倫敦，幫熙年做完姊妹，然後留喺當地旅遊，真係玩到唔想返。」問何時到她結婚？她笑言：「3年內應該會有好消息，我都唔想太遲生小孩，所以我會努力搵老公。」
採訪：羅慧敏
攝影：沈健程