楊思琦、蔡潔和唐紫睿（Hazel）日前為新片《辣警霸王花》做宣傳，戲中有不少打鬥和槍戰場面，其中屬「媽媽級」的思琦表示：「多謝導演錢國偉畀機會，我生完BB佢都肯搵我做80年代嘅霸王花，仲話我企喺班後生女身邊仍然好young，聽到我好安樂。」
三人份屬動作片新丁，拍攝期間分別受過傷，思琦和蔡潔同因拍槍戰戲而整傷手指，思琦說：「當時手指公夾喺支槍個掣中間嗰度，痛到冇知覺，以為手指公要斷，但係導演又未叫cut，所以唔敢出聲，到拍完隻手指已經又紅又腫。」至於Hazel則因要在烈日下着全套裝備拍追逐戰而差點中暑。
採訪：曹家誠
攝影：陳慧安