前日係楊怡同羅仲謙嘅大日子，佢哋喺九龍Ritz-Carlton酒店擺酒，有唔少圈中人都有出席，成為新舊TVB員工聚會，賓客陸續將相放上網…同大家分享阿怡同謙謙嘅喜悅!
大台藝人趙永洪昨日喺微博貼出一堆合照，當中有一張相，見佢同「O嘴男」一齊chok住合照，未知係唔係「O嘴男」太瘦，睇落有幾份似挪威畫家Edvard Munch《吶喊》，又有啲似八爪魚……
相中人原來就係近排激瘦嘅林峯!!!
自從同吳千語拍拖，中晒「BB降」嘅林峯早前為咗4月個唱，減瘦咗勁多，塊面無哂肉，當時林峯齋食白烚雞肉同蛋白、飲清水，菜都唔食得，有網民覺得佢減得太瘦，個feel有啲似大陸「蛇精男」……，完騷後林峯明顯工作少咗，多咗時間休息，冇咁辛苦以為佢會肥番啲，點知10月，點知都係咁瘦…唔通林峯真係「瘦上癮」!?