話說近來網上睇片的小盒子，好多人都鬧爆伺服器經常出現問題，而且唔止一個牌子，仲要係好多不同品牌都同時出現問題，搞到好多買咗機嘅人都怨聲載道；老實講，玩這類盒子的人，大多會裝不知名的App，將小盒子變成「邪盒」，出問題都只係遲早嘅事。
不過最近收到行內人可靠消息，其實今次事件，可能同這類小盒子「爭生意」問題有關！行內人傳聞，其中某大品牌的小盒子，請來黑客高手，不斷入侵其它品牌的伺服器，令它們的播片功能幾近癱瘓，從而希望標立自己品牌的穩定性；而最令這些經營商氣憤之處，是往往是呢頭整返好，嗰頭又再重新進行黑客入侵，令各大、小盒子的用家，長時間上網冇戲睇！而且這一個狀況，據稱已經維持了近2個星期。
問題可以怎解決？網上恩怨當然是網上了斷！記者收到風，好多不同牌子的小盒子廠商，在不勝其煩之下，大多已打算顧請黑客，反攻某大牌的伺服器，可能一場為爭生意的的黑客戰，就由此引發。
記者：朱崇德