發展商高層齊齊仿傚財爺曾俊華？繼長實地產（1113）「樓神」趙國雄借用「You always agree with your boss」後，恒地（012）賣樓高層林達民噚日被問到旗下長沙灣新盤南昌一號唔夠600呎嘅「四房神則」，佢就叫大家稍後「用對眼去見證」，學足財爺早前被問到點睇恒隆（101）主席陳啟宗支持梁振英連任，佢抵死地回應話「用眼睇」。
講番新盤，林達民形容南昌一號4房神則「細得來，啖啖肉」，佢自己買第2層樓，建築面積都係600方呎，3房單位，住落ok，同呢個項目4房單位差唔多。佢話自己睇過好多次示範單位，認為間隔好合理。示範單位開放時，大家要親身去睇，「用對眼去見證」咁話喎。