出世了！現年54歲的杜德偉（Alex），4年前與比他細24載的李曉冰（Ice）結婚，去年宣佈造人成功。早前仍經常與腹大便便的老婆孖住出巡的Alex，昨日在社交網宣佈囝囝於前日下午已登陸地球，升呢做人父的他，更開心貼出溫柔捉着囝囝腳仔的相片，大晒溫馨！
讚妻忍住痛
今年5月Alex在微博留言：「人生的確是充滿神奇和驚喜，我一直都以為我這一輩子只會愛我老婆一個，但現在看來我要一心二用了！」開心公佈老婆有喜。
時間匆匆過，轉眼Ice已順產生B，昨日Alex再在微博留言：「你終於來了！那種感受有如在等一個素未謀面但卻是至親至愛的人，對你的外貌長相，有太多的想像，但我們終於見面了！我要告訴你，你有一個堅強又勇敢的媽媽，生你的時候雖然極痛，但一點都沒有表現出來，接生的醫生和護士小姐們都說是他們見過最有風度的孕母！經歷着這一切，我覺得人父之初體驗實在是奇妙至極！我現在向你宣佈，我的小王子，派對正式開始！」
7磅重叫AJ
Alex昨日接受《蘋果》訪問時再說：「BB噚日出世，順產，聽日兩點養和出院時先接受訪問。」他續透露：「BB差唔多7磅重，名係AJ。媽咪好勁，選擇自然分娩，喺產房一個鐘唔夠就生咗BB出嚟，我有剪臍帶，原來臍帶好韌，一剪剪唔斷，比想像中好唔同。BB完全係我同老婆嘅混合體，皮膚白又有酒凹，好搞笑。」
採訪：皓騫