早前《蘋果日報》報道，越來越多人考慮移民，有人更不諱言若特首梁振英一旦連任，將毫不猶豫地離開香港。有已擁外國居留權的基金朋友跟密西比說，正盤算應否「搶先」離港回到當地，免得香港情況一旦生變，導致更多人需要「逃生」，影響到找工作的機會。
友人說：「坦白講，錢我係有啲，但唔係坐喺度乜都唔使做、就可以用過世嗰隻，現時仲要息口係低到等於冇，投資回報又低……諷刺嘅係，明明世界難撈，壓力又大，人嘅命居然越嚟越長，所以點都要有份工保持有cash flow，若果唔係，一個唔好彩有大病或有乜嘢意外，容乜易坐食山崩。」
回到97年的「洗大餅」（意指移民後只能從事洗碗碟般低技術含量工作）年代？友人苦笑一聲後說：「當然唔想洗大餅啦，但若果真係搵唔到金融相關工作，Starbucks都要做㗎……聽講話，今年香港嘅留學生，大部份都選擇留喺當地搵工，所以真係唔可以等埋出年3月特首選舉先諗㗎。」
明年特首選舉有結果之日，莫非真的是香港移民潮再現之時？
密西比