【本報訊】由太和邨老中青街坊自發組成的「太和的後裔」，繼推倒2,700萬元巨額工程，上月中再下一城，以奇兵姿態，踢走盤踞14年舊法團。洗樓、投票前派卡片大小的實體「掌心雷」，由鍵盤走進現實，且聽這群太和的後裔如何光復太和邨。
記者：呂麗嬋
外號「小鮮肉」的候任司庫林冠豪，仍是學生，行年23主修屋宇裝備。另一幕後功臣區潔怡，則在補習社做市場推廣，招呼慣最多抹黑醜聞的「天王」，擅打網絡戰，女義工被保安推跌、男成員被打，短片統統即時上載無手軟。夢幻兵團由街坊涼亭議事論事，到藉民主選舉成功奪權，成立新法團。歷時3個月的「革命」，要由6月19日討論天價維修的業主大會說起。
「舊法團拋出維修方案，街坊都好不滿，我寫信畀房署同議員，班後生就收集簽名搞街站。」60後的任肖雲說。兩代人用自己方式抗爭，將他們扯在一起的，是街坊涼亭，「我係亨和樓互委會主席，佢哋喺涼亭開會，對到正，我見咁熱就叫佢哋入嚟傾」。
怎想到伸出橄欖枝的街坊保長，與這班被某些街坊形容為廢青的年輕人，竟一拍即合，「佢借地方要頂住壓力，公然與法團為敵，會被針對」。一直心存感激的區潔怡，又欣賞任肖雲送飯給邨內獨居長者，覺得她是有心人。這場跨世代的「太和革命」，早在去年中已萌芽，「嗰時我哋就管理費加價喺網上開咗個群組，不過只係圍內傾，冇乜人理，到爆出天價維修，先覺得要實質做啲嘢」。
法團舉行居民大會通過維修方案前4天，區在網上吹雞，首次由鍵盤走到屋邨，「只有幾個人，印咗啲單張插落信箱；又擺街站，同街坊解釋始末」。招標流程繁複又沉悶，幸好成員中有從事設計及多媒體工作，淺白標語加上圖解，成功吸睛，加上有傳媒報道，越來越受關注。
「我哋訓練咗批義工，點樣用最簡單嘅語言，講到啲阿婆都可以明白」。年輕人勇字行頭，人人變身街站推銷員，結果居民大會破天荒有1,200名業主出席，逼爆會場，流會收場成功拖延工程表決。
區潔儀心知肚明，擱置工程只拖得一時，要真正安居，便得入局。「以前選法團，玩法係逐家拍門收授權書，但我哋唔想咁，覺得街坊要親身行出嚟選自己想要嘅人，先係真正贏」。自己屋邨自己救，是不能動搖的信念。門檻高，不為贏而贏，便得付出雙倍努力。「係辛苦好多，好在大家都好搏命，覺得遇正大維修，有晒天時地利人和，係太和邨20年一遇嘅機會」。過去3個月的太和邨，的確很熱血，人人放工放學趕來聲援，到處都是穿上印着「太和後裔」黃Tee的義工。
被2,000業主投票感動
「有人問我哋係咪黃絲，我話我哋唔係，我哋係太和人」。區說：「我喺太和邨長大，從來未見過呢度咁團結。」仿效立法會選舉全力拉票，為候選人拍片放上網，又自製圖像化的大型紙牌，在屋苑出入口日夜向街坊介紹各成員背景，又解釋大維修事件始末。任肖雲說：「公佈結果一刻，好多人喊晒，唔單止係為嗰99%得票率，而係為有2,000個業主出嚟投票。」
網絡無限大，但在60後的任肖雲與80後的區潔怡眼中，只有結合現實，先可發揮威力。「唔係走出嚟，唔會遇上任小姐。你日日見住嗰個阿伯，佢有一堆棋友好多票，如果只係圍內傾，唔出嚟，又點會識到呢啲人？」區笑着反問。