隔牆有耳：
689現身ifc玩iPhone - 李八方

選舉前夕，真係會令人唔同啲，例如係，突然親民或者貼地啲？話說噚日傍晚，一批特首梁振英去Apple Store嘅相喺網上瘋傳。有網民話CY單人匹馬現身中環ifc嘅Apple Store，喺場內睇iPhone，話佢一如普通市民咁，排隊等入場。

睇番CY上身着住「家是香港」嘅白色tee、下身着住卡其色嘅輕便褲，同佢噚日下午喺禮賓府接待一班中學生嘅裝束，完全一樣。
據知佢喺場內攞起iPhone左睇右睇，在場職員亦向佢逐一講解。網民報料冇講到，最尾CY到底有冇滿載而歸？但肯定嘅係引起唔少網民熱論，話佢咁愛國竟然唔用小米，反而支援外國勢力？唔少網民好質疑CY呢個舉動係博連任嘅刻意親民騷。