卡歌神器！可算是由容祖兒及許廷鏗帶所帶起，Hit到腦場無乜舖頭唔賣。以為熱潮已過？反而許多玩過喇叭形的K068後，開始對音色有要求，紛紛轉投高級版Q7懷抱。
Q7跟K068同樣有「駁手機即唱K」的方便，但售價差不多比K068貴上近$300，全因裝設了兩個3W喇叭，在咪身左右擺放，比K068向下式的單喇叭，更響亮靚聲，加上音效晶片亦有升級，K迷靚聲得以還原，自然唱得更盡興。還有一點好多K迷忽略了，是Q7咪下還設有一USB槽，讓用家插入儲有MP3格式音效檔的USB手指後，便可在無網絡甚至無手機情況下，也可一展歌喉。
Q7起初售近$900，近期深水埗腦場開始落價至$600-$650元，銷情不俗。港島區IT及影音產品一向賣街價會較高，據知港島區一般機價做緊$780，但最近見到有舖平做$629；其實香港區電腦舖，很少會如此追貼深水涉黃金價錢，看來港島區的電腦舖都逐漸走入戰國時代了。
查詢：經濟倉（北角電器道233號城市金庫270號舖）
記者、攝影：朱崇德
