阿佘問候陳浩民

楊怡和謙謙昨晚在麗思卡爾頓酒店設婚宴，佘詩曼、陳浩民夫婦、葉璇、胡杏兒夫婦、林夏薇、林文龍夫婦、蔡少芬夫婦、梁詠琪、陳豪、何傲兒等出席，而懷孕的謝安琪亦由老公張繼聰陪同下現身，張繼聰謂BB已過了3個月，早前做產檢知道BB十分健康，體形只較一般的BB大。
陳浩民日前因食飛機餐的麵包揦傷嘴，昨他不願多談此事，而其舊愛阿佘則表示：「我好少食飛機食物，多數瞓覺，佢冇嘢嘛？佢嚟得應該冇事。」

陳浩民昨與太太蔣麗莎到場，但不願提揦傷嘴事件。

陳浩民另一位舊愛葉璇亦與男友小默參加婚宴。

早前張名雅結婚，被內鬼爆料指開門利是得3,800元，之後Instagram更取消關注何傲兒，傲兒成嫌疑人之一，惟張名雅Ig又再追隨傲兒，傲兒昨表示：「今日唔講，希望告一段落，今晚見到名雅都會打招呼，係好姊妹，經過呢件事冇影響感情，反而增強咗。」

胡杏兒與老公十指緊扣到場。

張繼聰扶着懷孕的太太謝安琪。

何傲兒（左）表示與張名雅感情越來越好。