周三(5日)快活谷賽事，潘頓座騎中包括「點解」、「順勢寶」、「風采」及「肯利多」等。
其中出爭三班1200米賀賢馬房的「順勢寶」，在港三戰均由何澤堯主理，上季尾谷草煞科日人馬更順利取勝，當晚靚女藝人李施嬅有拉頭馬，賽後她更大晒彩票，笑得好開心，以為中彩，但她原來投注了第八場8號馬80蚊Win，「順勢寶」卻是第九場8號馬，李施嬅填錯場次，應贏變輸。上仗「順勢寶」季內初出，李施嬅又到場，卻只得第六名，令人失望。
經過上次敗仗後，何澤堯已失去「順勢寶」帥權，本周三捲土重來，再角逐三班1200米，將換上潘頓主轡，反映幕後希望能加強配搭，力求收復前失。潘頓表示「順勢寶」上季尾贏馬走勢相當出色，肯定具備上佳質素，剛戰之敗可當作一場熱身，今仗狀態理應可大為提升，潘頓強調「順勢寶」只係3歲愛爾蘭馬，里程仍淺，進步空間好大，有信心可為此駒爭取佳績，贏上二班。