隨住KD杜蘭特走人,雷霆喺來季就要靠韋斯卜克(Russell Westbrook)孭起成隊波。雷霆大軍𠵱家身在馬德里,會喺今日同周三分別對皇家馬德里同巴塞隆拿兩支籃球隊。韋斯卜克喺上周六就抽空出去馬德里市行吓,仲遇到孖寶兄弟嘅馬里奧,一齊合照開心吓。KD走咗,預計韋斯卜克要負起更大得分重任,咁啱馬里奧喺遊戲裏面成日跳,唔知會唔會過佢兩招,點樣可以跳得再高啲?