【本報訊】陳德霖作為金管局總裁的第二個五年任期尚餘約三年，近日金融圈盛傳他將為下任財爺熱門人選，被問及會否希望仕途更上一層樓，陳德霖面露笑意稱：「我都知你會問。」然後笑而不語。惟他罕有評論立法會拉布問題，稱不希望拉布影響金融政策推行，又指自己有責任擔心香港（paid to worry）。
罕有評論立法會拉布
財政司司長曾俊華被外界盛傳為特首選舉的人選，新財爺目光自然落在金管局總裁陳德霖身上。被問及會支持何人做特首，陳德霖直言：「咁要睇邊個去選同埋政綱點落實，現時太早評論。」惟他卻罕有談論對拉布的看法。
「（議員）有議案不清楚想修訂，我哋係歡迎、會盡量解釋，但如果因為政治取態，本身對條例無意見而要拉布做不到，金融方面係會有影響。好似舊年成功通過儲值支付工具條例、今年發牌，好在立法會支持，但假設過唔到，對金融創新發展係唔好。」
不過，陳德霖指，可幸期內多項政策得到上屆立法會議員支持，未見拉布對金融方面造成大負面影響。
雖然新屆立法會議員未正式上任，目前難以預測他們的非政治議題取態，然而有不少金融政策根本不需要修訂法例。
「美國都好多法案過唔到，點解你又唔覺美國前景好黯淡？所以好難有個假設話，香港因為政治形勢而令經濟金融方面有影響，比如推滬港通，有好多金融基礎建設，係唔需要法案修改……拉布係可能有影響，唔會話完全無意見，但起碼上屆立法會都係好支持，會希望繼續爭取下屆（支持）。」
陳德霖又指，自己有責任擔心香港。「我成日都好擔心，我職責係成日考慮風險，你見我開口埋口都講風險。金管局如果得一樣嘢做到，我一定揀金融穩定，無金融穩定無條件做任何嘢。」