有時八方都戥當年支持梁振英做特首嘅選委慘，皆因按當時民調，CY確實一枝獨秀，而且喺唔少市民心目中都好完美
3候選人中民望最高
好似5年前嘅今日，《蘋果日報》委託港大民研進行嘅民調顯示，當年梁特嘅支持度，喺3名特首候選人之中係最高㗎，有20.5%，至於唐唐同何俊仁呢，分別只得16.3%及1.3%。
結果好震驚？未算喎，因當年嘅調查仲顯示，梁特之所以贏得民心，有近25%人覺得係「最有個人魅力」，兼且兩成人覺得佢「最能捍衞香港核心價值」，八方真係好想知道呢班受訪者中，有幾多人今日聽到梁特個名，依舊同陳玉娥一樣覺得對方好完美？
至於幾多挺梁受訪者中今時今日懊悔萬分，相信大家心中有數。而呢5年中聯辦隻手越伸越長，唔會係捍衞香港核心價值嘅表現啩？