近年樓盤「奇則」一個勁過一個，但唔單止唔愁冇人買，仲要係搶住買，你就知香港樓市係不死！是日推介金朝陽（878），冇錯，公司8月中發盈警，話股東應佔溢利因公平值調整而錄重大跌幅。不過呢，股價唔單止唔受影響，之後仲升多咗。
近年中資最鍾意喺香港買物業，而金朝陽今年6月就已將中半山摩羅廟街14至18號商住地盤，以8.2億元沽畀中資。相信單刁下半年完成，所得款項淨額5.16億元，金朝陽應佔2.4億元。
之前安全貨倉（237）、華置（127）賣物業後都派特別息，金朝陽派唔派就未知。不過，大股東傅金珠上月底分別兩次增持13萬股，每股作價分別為12.44元及12.411元。公司每股資產淨值57元，但最新股價14.14元，折讓仍然大，所以仲係博得過。目標價15.5元，12元止蝕。
千頌C