【本報訊】「全部都係假嘅，呢個人真係好恐怖！」李小姐回憶騙徒手法時，除了憤慨外，更感毛骨悚然。騙徒多次光顧李小姐的店舖，每次扮得「身光頸靚」，去年李小姐新店開張，騙徒更親自前往道賀。
「有啲款好難買，佢話佢識人」及至去年9月，更結伴到韓國旅遊5天，「機票我訂，有晒佢資料，佢連同男朋友之間嘅事都同我講，我真係覺得大家係朋友」，而講價過程中，騙徒更表現出一副「唔憂做」，令李小姐放下戒心，「佢話一個袋先賺少少，唔要就算喇！」回港後，李即向騙徒落定26萬元買袋，「真係賤到冇朋友！」李小姐聲稱，於追還欠款期間，騙徒更將其照片貼街招，曾一日內收到幾十個性騷擾電話。
騙徒母親用苦肉計
另一位受害人許太被騙徒母親（圖）欺騙，「佢阿媽話個女喺明德醫院做，識好多名人，又話識古天樂、吳光正助手，去連卡佛買嘢有半價！」許太跟騙徒只有一面之緣，「落咗定之後，佢請我去半島食飯，仲表現到同侍應好熟，咁我咪信佢囉！」追討期間，騙徒母親一直用苦肉計，表示毫不知情，更曾表示「個女唔還等我還」。至上月底，許太聯絡上其他苦主後，質問騙徒母親，對方態度180度轉變，更於日前報警，聲稱遭恐嚇。
■記者潘婉玲