【本報訊】繼早前港鐵東鐵綫乘客背囊內一支樽裝有汽飲品突然爆炸後，有少女在超巿買汽水亦遇上「自爆」事件。香港專業教育學院（柴灣）應用科學系高級講師方麗影博士認為情況罕見，相信屬個別事件，不排除膠樽本身有少少裂痕不被察覺，當汽水內的二氧化碳在溫度環境有大幅度改變下，加上曾經搖晃致內外壓力失衡而爆開。
方博士解釋，可能膠樽本身有少許裂痕，而碳酸性飲品內有二氧化碳，一旦曾經放入攝氏零度以下的冰箱急凍，急凍過程液體變成冰晶，體積膨脹增加內壓。當汽水拿出冰櫃後，有機會在搖晃過程產生氣壓，當膠樽內壓大過外面壓力，而有裂痕的時候，有機會爆開。她補充：「呢種情況最好睇番超巿點樣儲存有汽飲品，正常唔應該有咁嘅情況發生，實屬罕見，個別事件。」
此外，方提醒巿民將飲品放入冰箱急凍存在風險，「可能有人鍾意擺入冰箱，雪到冰塊，拎出嚟慢慢溶解，冰凍嘅時間耐啲。無論液體有汽或冇汽，液體在常態下係流動狀況，你見個樽頂有少少空間，通常畀佢做buffer(緩衝)，令到壓力上可做到內外平衡，冰晶體積會膨脹變大，內壓非常之高，隨時會爆樽，所以唔應該咁做。」
8月23日，一名港大男生回鄉探親後乘港鐵東鐵綫回程途中，背囊內一支未開封、台灣出品並在內地有售的「海之言」膠樽裝鹽果味飲料突然爆炸，他及一名女乘客被碎片濺傷。