林欣彤（Mag）昨日連同香港花劍代表隊成員張家朗到港台做訪問，節目內家朗向Mag傳授劍擊技巧。Mag講到近日為新歌《懸崖花》宣傳，歌曲以感情路上的傷心事為題，曾被舊愛虐打的Mag直言：「每件事都有兩面，大家都有唔成熟嘅時候，𠵱家自己已經move on。」新老闆王祖藍可贊成找新對象？Mag說：「佢話我乖乖哋就得，後生女嘅嘢佢唔理咁多，畀好多自由我。」