禮拜六（10月1日）田草11場賽事用A加3跑道作賽，睇番上季國慶日亦係用A加3欄角逐，當日內叠前置馬明顯佔優，九場轉彎路程賽事，八場有一至三檔馬上名，其中一檔馬更交出三W兩P。至於跑法方面，半數頭馬守前兩位入直路建功，好似「運財之星」及「發盈喜」都係一放到底，具前速之內檔馬可優先留意，所以今期未必有純後上馬一條直路後上殺晒的鏡頭。
今戰列陣馬中，第二場「神威福將」歷季三Win，當中兩場在田草A加3欄所得，均速馬抽得二檔，賺形勢下有機會收復上仗屈居亞軍之失。另外，第三場「駕悅」是全場唯一曾於A加3欄上名之參戰馬，憑較佳場地性能，可贏馬補中。