一本簿、一支筆，不用凳，渠務署高級工程師梁華明在河邊停下，一站便站上個多小時，將眼前山景樹影用畫筆描繪下來，「好喜歡對住大自然嘅感覺！」本身研究活化河道的他，最初陪女兒上畫畫班，一試上癮，走遍香港大小河道寫生，更寓興趣於工作，為渠務署描繪河道解構圖。他一邊揮動畫筆，一邊思索如何讓魚、鳥、人共享河道，建構心中最炫目的寫生景觀。
在英國修讀土木工程的梁華明早年於拓展署負責將軍澳新市鎮發展，起橋鋪路，10年前加入渠務署研究河道發展。左腦訓練數十載，負責藝術思維的右腦自中學學過素描後進入休眠狀態。7年前，梁陪女兒上畫班，對繪畫產生濃厚興趣，與女兒一起當學生，「越畫越上癮，我仲大癮過我個女」。水彩、油畫、粉彩畫，畫個不休，一個蘋果放在眼前，足以令他沉醉繪畫世界，「頭幾年晚晚都畫，有時一晚一幅，每晚畫到成一點鐘」。家人可有投訴？他笑說：「唔會啦，佢哋都瞓晒覺。」
思考如何讓人魚鳥共享
繪畫室內靜物漸漸難讓梁滿足，轉而挑戰環境流動變幻的戶外寫生，他借用老師的說話：「喺大自然先睇到真實嘅色彩。」他鍾情河道，假日帶着畫具沿河漫步，風景合眼緣即就地寫生，數年下來，他筆下出產過百幅河或湖的繪畫。梁亦撇不下職業病，一邊畫一邊思考河道設計，「畫林村河都會『裝』吓有冇垃圾」，又會借繪畫與街坊交流，探聽公眾對河道的看法。
石屎河道排洪效能高，但梁不滿其外形「硬邦邦」，與大自然格格不入，「成條河無晒生態，雀鳥趕走晒，植物都唔可以生活，就算視覺上都唔舒服」。近年渠務署將部份河道由石屎底部轉為滲水「草格」，與地下水相通，再透過泵房將河道水位減低，讓雀鳥棲息覓食，讓生態重現。
梁認為河道生態關鍵在於動物和人類皆可「親水」，不止於功能性防洪，更應具康樂用途。設計渠道不應故步自封，正是繪畫教曉他的道理，「畫畫要綠色，但我特登丟咗支綠色，用藍色同黃色溝，就係要唔同效果」。他最近更發揮熟練畫技，用水彩為渠務署活化河道繪畫解構圖。
■記者蕭洛汶