中國女排隊長惠若琪喺里約奧運帶領球隊重奪失落12年嘅奧運金牌，估唔到呢位25歲「可愛教主」兼職做模特兒，擺甫士、影靚相一樣冇問題！中國雜誌《時尚健康》就睇中惠若琪形象夠晒正面，於是搵佢影咗輯相宣傳「2016粉紅絲帶活動」；小惠喺影相嗰陣仲大騷身材，一班粉絲除咗睇到佢對長腿之外，仲睇到腹肌同人魚線㗎。