【本報訊】一名賣金魚的流動檔主，昨清晨到旺角界限街開檔時，突被3名持木棍及鎚仔大漢襲擊，檔主頭腫手淌血送院敷治。兇徒逞兇後乘車逃去，事主表示日前與人有齟齬，不排除因此遭人毆打。
姓鍾（58歲）男檔主偕女員工，昨清晨6時，駕駛客貨車停在界限街俗稱天光墟擬開檔，突有一部平治私家車駛至，跳出3名大漢，2人持木棍、1人持鎚仔扑打鍾，目擊的鄰檔女檔主表示：「打到佢（鍾）跌落地下，然後再扑爛車窗，過程好快。3個都係20多歲𡃁仔！」鍾被扑至頭腫流鼻血及手傷送院，地上遺下多處血迹。
鍾事後對記者稱，「唔知咩事，今早開檔一落車就俾3、4個人走埋嚟打。我哋賣金魚同錦鯉，一向冇賣餵銀龍的金魚仔，但有檔就賣開啲金魚仔，唔想其他人賣，想做獨市生意。前兩日走嚟望我哋有冇賣，以為我哋搶佢哋啲客。」
鍾自稱以往其胞姊有賣開金魚仔，但自他5年前接手經營後，便無再賣，對方仍然針對他，日前有人又走來查看，他忍不住說了句「睇乜鬼嘢！」，疑因此遭報復。
記者:江寶龍、黃江奇