周三（28日）快活谷賽事在最狹窄之C加3跑道舉行，除了分析馬匹實力，亦講究騎師之走位。講到在C加3欄最醒騎師，當然不得不提莫雷拉，這位冠軍騎師上季五次在谷草C加3欄賽事上陣均有馬贏，總數策騎39駒，交出12場頭馬，勝出率超過三成，的確非常誇張，故此今戰莫雷拉座騎仍有優先留意必要。
蘇偉賢馬房的「識飛」上季最後一仗已造出全場最快末段追得接近，上仗復出初配莫雷拉亦所負不遠，更難得係輸完雷神唔肯放手，賢廐在今季六戰五次有馬贏，馬房正處旺勢，或可憑此駒再增添進賬。
另外，苗禮德將一對王牌馬「常拼常勝」及「凱明神駒」齊齊交由莫雷拉執韁，翻查此對騎練上季合作21匹王牌馬，當中18駒跑入前四名，共獲六冠四亞四季四殿佳績，以上兩駒已露出擊手影，尤其「凱明神駒」配雷神一次即入Q，人馬重逢可威脅大局。