「蘭桂坊之父」、海洋公園前主席盛智文最叻扮鬼扮馬就係人都知，但查實好多網民成日都話盛智文同佛地魔「撞樣」，可惜盛仲未扮過。不過，各位巴打絲打終於「得償所願」。
有睇過《哈利波特》嘅你都一定知道，圓鏡框四眼仔最大嘅敵人就係佛地魔；而佛地魔最大嘅特徵呢，唔係佢魔力嘅強大，而係個招牌「插蘇鼻」。盛智文今次就應邀扮佛地魔，但比起佢以往扮鬼扮馬，今次只化咗個淡妝，連「插蘇鼻」都冇裝，只係着起件袍，加個45度角向上「岳」嘅面口，已經像真度100%。簡直係「本色演出」，扮返自己咁滯，所以網友真係眼光獨到。
今次PlayStation仲邀請其他名人影相玩Cosplay，例如Ben Sir扮司令官、徐緣扮怪醫等等，宣傳PS VR，包括10月8至21日喺The One有試玩大會，及10月13日PS VR喺香港正式發售，The One同場會有「午夜首賣會」，零時零分即場發售100套「PlayStationRVR攝影機同捆裝」，仲會送「Start From Zero雕刻木架」一個，每套3480蚊。
費清＃要生計，也要生活＃毋忘初衷