剛剛禮拜日，姚本輝馬房的「新疆紡」喺騎師史卓豐胯下取勝，係大熱門身份，原來姚本輝、史卓豐今季只合作過兩次，「新疆紡」勝出外，另一匹「翡翠紅星」跑第二，換言之兩人合作馬，成績非冠即亞。學古天樂在電影《中華賭俠》中話齋：「買馬根本就是一門統計學！」能夠掌握數據，當然可提高勝算。
咁禮拜日跑完，周三夜馬(28日)又即將上演，姚本輝、史卓豐今期只合作一匹第三場四班1650米之「信是有緣」，梗係追捧對象啦！睇番「信是有緣」曾經喺同一路程四班1650米孭133磅重磅兼10檔劣位下都可贏馬，今次依然係四班，但只負120磅，五檔亦理想好多，咁好嘅條件，大家又點睇呢？