【本報訊】觀塘法院上周二審理一宗管有攻擊性武器案件時，因證人傳票未有派予證人，導致控罪撤銷，及後揭發負責警員順從證人拒作供意願而無派傳票予對方。主任裁判官練錦鴻昨傳召案件主管出庭解畫，強調傳票由法庭發出，指主管自把自為決定不派送傳票，不理會法庭命令，「個個好似你咁做，制度冇辦法實行落去」。
記者：楊思雅
案件主管深水埗區調查隊督察周國榮，昨偕同下屬張子華到庭解釋。警方回應指會研究裁判官意見及作跟進，但拒透露會否對兩人紀律處分，一度以刑事案事主作比喻，拒透露兩人職級及名稱。
周國榮在宣誓下指，上周二案件開案前已知悉下屬未派傳票予證人，他透露下屬已多次游說證人出庭作供，但對方以工作為由拒絕，故傳票最終未發出，而他本人知悉並同意做法。他接着承認：「我冇了解清楚。」
惟未待他解釋完，練官便打斷問：「證人傳票邊個出？你哋幾時決定可以唔發㗎？」周即時承認：「我哋做錯咗。」
月內第3次 官要求解釋
練官連珠炮發說：「你哋去裁判署申請傳票，法庭批咗，你嘅下屬唔派，你就話好？」批評警方未理會法庭命令，明言「今個月已經3次」，相信警方仍有其他地方失職，只是未被揭發。周表示會為事件負責，透露已因此過失「俾管理層責成咗」，練官聞言反駁「（呢個）係你哋內部嘅事」，並主動提及除派遞傳票外，警方在處理閉路電視證物上亦有不足，下令周在5天內以書面向法庭作詳細解釋，又分別向兩人指：「𠵱家未決定正式去CAPO（投訴警察課）告你。」
練官傳召失職警到庭解釋並非首次，上月因有警員證人離港旅遊未能依時出庭令案件延誤開審，被告因而再被還柙5天。案件主管女見習督察出庭解釋因警員已調職，她不知其請假安排，練官即斥責「以後仲咁做嘢，你哋（警方）嘅名聲會好論盡」。
案件編號：KTCC3801/16