【本報訊】「冇傘運，就唔會有臻議員」，歷史卻往往跟人開玩笑。當初邀請「臻議員」做佔中死士的，正是即將卸任的社總立法會議員張國柱，偏偏邵家臻就從社總手上，憑雨傘標記取得社福界議席。世事是否很巧妙？臻議員聽罷想了想：「點解當時成個社總冇人（做死士）？如果阿柱唔係搵我，𠵱家嘅議員未必係邵家臻。」
邵家臻稱，由原來的佔中到後來的傘運，太多意外發生，記得公民黨吳靄儀曾跟他說：「阿臻呀，你覺唔覺得（為佔中）預備咗嘅所有嘢，都冇發生過呀？冇預備嗰啲就發生晒喎！」
擬推行全民共議
的確，例如為佔中預備的幾千個流動廁所，毫無登場機會；有時預備越好、似乎離現實越遠。
毋忘被拆大台的痛，臻議員冀未來4年在議會拆惡人大台，「我未必能夠改變到啲乜，但希望守住一啲價值，令佢哋（建制派）唔好咁囂張」。
他的議會工作亦擬加入全民共議元素，例如某個議題獲某個百分比業界支持，或提出作口頭或書面質詢，亦考慮抽出某些業界作顧問團，監察自己的議會表現。
■記者許偉賢