單車節值得留神嘅人物，豈只賽道上嘅破風高手？除咗喺看台手舞足蹈嘅郭炳江好受注目，噚日觀眾席上亦有另一焦點人物，佢一身火紅嘅裝束，撓住雙臂俯視車手嗰種「媚態」，嘩，真係俘虜唔少在場男士嘅心，唔少人攞住相機不斷向佢狂影。到底係邊位女神出巡咁受注目？之咪就係連楊岳橋都「被迷倒」，同佢譜出「娥頸橋之戀」嘅陳玉娥（圖）囉！
八方發現娥姐落選新東立法會後人氣更盛，先後有多間傳媒邀請訪問，而佢似乎對紅色係有偏好，愛以紅噹噹形象示人，噚日亦上身係大紅、條裙則係橙紅，條裙有條白色粗橡筋凸顯玲瓏身材，再斜孭一個懷舊Gucci手袋仔，明顯係悉心打扮，散發佢獨有嘅火辣味道。