滙豐有名你叫「大笨象」，以往喺科技方面行得比較慢，最近先至忽然上進，除咗大搞EasyPay，今日下午佢哋舉辦一個數碼峰會，都學人搞Youtube做live，好潮呀。
查實大笨象平時舉行業績會，都係多地連線做直播嘅，但提問方式較老土，用電話Phone-in，打唔通就冇㗎喇。如果用Youtube、facebook搞live，觀眾就可以隨時留言、發問、畀咩反應都得。
據講，滙豐今次為數碼峰會搞live，主要想遷就未能親身到場嘅人士，加上講明係數碼峰會，做live都好正路。
今時今日，除咗坐定定正經做記招，好多公司、KOL就連打機、食飯、行街都可以直播，內容跟住觀眾反應走，拉近同啲客嘅距離，錯過咗又可以睇重播，好方便，大家都應好好利用科技喇。
想睇今次數碼峰會live，記住呢條link喇： https://www.youtube.com/watch?v=VqfoWB5vgms