徐雨石馬房旗下的「及時取勝」上季4勝快活谷1200米，另外又獲1亞2季上名紀錄，導致評分急升，由47分跳至75分，好多馬迷都覺得牠實力已盡，但暑假時徐雨石表示，其實此馬尚有上升空間，只要給牠一點時間消化加分，便可再取佳績，而且性能不局限快活谷，今季會在泥地開拓新出路，謀求突破。果然周日 (25日)「及時取勝」便配見習生黃皓楠，角逐第七場三班1200米泥地。
「及時取勝」馬主、海皇粥店老闆蕭楚基說：「『及時取勝』上次季內初出跑沙田1000米直路賽，狀態大約七成，可能受惠於檔好(14檔)，以及用黃皓楠減七磅的優勢，表現尚算中規中矩(跑第三)。今仗轉跑泥地1200米，因為馬兒早前試泥地閘走勢幾好，黃皓楠騎慣騎熟，但我有個擔心的地方，就是排八檔起步，怕馬兒搶得唔夠快，比較蝕底，希望可以跑入位置。」
睇番「及時取勝」本月10號試泥地閘，在大雨朦朧中奮勇向前，大勝對手近六馬位，可見牠場地性能突出兼膽識十足，如果周日雨中作戰，更可睇高一線。