毛里裘斯籍騎師田泰安，這天到場親操周日(25日)第九場三班1600米草地的「步步德」，是田泰安周日所有座騎中，賽前一日他唯一主課的馬，可見重視程度。晨操專家積奇指「步步德」火旺力足，勝後狀態更進一步。
「步步德」上仗由韋達贏同程1600米一放到底，今仗升班負115磅，本來韋達超兩磅可以再騎，但結果他改替另一輕磅馬上仗後上第四的「奇真」操刀，究竟係韋達放棄「步步德」，抑或練馬師大摩唔想「步步德」蝕兩磅，田泰安可以按原定115磅照跑，提高爭勝機會？箇中內情只有他們才知。
不過在田泰安立場，難得可以接手黑衣巨人「步步友」馬主家族的大倉新勝馬，一定盡力砌盡，事關若有閃失，下仗多數韋達取回策騎，若想爭取馬主及大摩更多支持，當然是先贏「步步德」。