「成世人流流長，總會愛上幾個人渣。」愛情遇到，原來搭飛機都一樣遇到。有外國網站列出幾項在飛機上的自私行為，包括整濕隔離位以防有人坐、咩都無理投訴一頓、喪食機上免費小食等，真係唔黑人憎唔做，獲獲新鮮獲獲金。不知香港人又最憎咩行為呢？
記者找來途人街訪，簡單歸納左5種討厭行為，包括：身體過界、聲浪太大、食嘢污糟邋遢、椅背傾後同BB仔大喊。多數受訪者認為「BB仔大喊」同「椅背傾後」均非常煩擾，最後還是由「椅背傾後」羸個馬鼻榮登黑人憎行為榜首。
面對住這些討厭行為，大部份受訪者都會選擇啞忍，其次就是向空服人員投訴，一般都不會主動同當事人講。
不想同人正面交峰，用來防止前座傾後的Knee Defender可以一招KO「椅背無限傾後」的前面。不過，美國早前就有男乘客因在機上使用而引發爭執，最後被趕下機，以致全機人延遲到達目的地，事件更造成當局下令大部份航班禁用該設計。飛機始終都是公共空間，限制別人傾後的權利似乎有點於禮不合，大家互相諒解，說不定可以一人退一步海闊天空。
雖然BB仔喊聲堪稱黑人憎行為的第二位，不過途人泛指，會體諒同接受，認為小朋友嘈吵都是情有可原，一般不會過於計較，反而家長不制止小朋友曳曳，才是罪魁禍首，又表示若覺得煩的時候，惟有戴上耳機，自我催眠。
外國有公司研發出聲稱可以控制環境噪音的耳機，消除或增強噪音均可，將BB喊聲降為零又得，或者有特別癖好喜歡增強BB喊聲來聽亦得，得左！預計11月開賣，售價約港幣$2320。另外，飛機上每區座位的第一排通常都設有嬰兒睡籃（bassinet)，如果真係想同BB喊聲坐得有咁遠得咁遠，就記得在check-in的時候選擇距離較遠的位罝。
記者：劉芷晞