【本報訊】閒時喜歡炒股的64歲家庭主婦袁女士，上周三（14日）相約兩名友人到銅鑼灣證券行睇股巿，下午4時收巿後3人到灣仔港灣道新鴻基中心2樓肯德基快餐店，食炸雞兼傾談股經交流心得。3人逗留至傍晚6時10分離開。袁女士稱當時行到距離大門7至8呎的通道時，突然腳下一滑跌倒在地，同時右背直撞高凳，背部近腋下位置隱隱作痛。
她初時以為踩中雪糕跌倒，但仔細一看見到左邊大腿及鞋底沾滿黃色污物，且有陣陣惡臭攻鼻，才知踩中糞便：「我以為踩中雪糕球，但咁臭，我有養狗，感到唔係狗屎嚟喎，先知出事。」當時餐廳經理遞上濕紙巾讓她清潔及慰問傷勢，但未有報警。最後她自行報警由救護車送往敦律治醫院。她稱，經X光檢查後證實沒有骨折，十分好彩，但右邊背脊有瘀傷，當晚出院後回家休息了兩日才能外出。
袁婦不滿餐廳經理未能解釋為何食肆內會出現糞便，她要求翻看閉路電視，但經理聲稱閉路電視當時未有拍攝事發現場的畫面，她要求店方交代：「咁大條通道有灘屎點會冇人知？當日沖咗成個鐘頭，o依家仲諗起嗰陣味。」
香港肯德基回應對事件表示高度關注，並表示已向該名女士致以慰問並提供協助。發言人強調將繼續致力對客戶提供最優質的服務及食物。
■記者莫家文