梁班子為咗橫洲風暴頭痕之時，政務司司長林鄭月娥難得有機會外訪唞一唞，唔使出席Three C meeting，咁就唔會出現侯志強所講嘅「choking my air」情況啦！
林鄭會喺25至29日訪問英國倫敦同德國法蘭克福及杜塞爾多夫，參與由香港貿發局喺呢3個城市舉辦嘅推廣活動。倫敦時間25至26日佢會逗留喺當地出席貿發局周年晚宴，並與英國政府高層官員、商界及專業人士會面，簡介香港最新發展，又會參觀新開幕嘅泰特現代藝術館新展館，兼同香港留學生交流。
至於德國時間27至28日佢會轉到法蘭克福同杜塞爾多夫，出席貿發局嘅推廣活動，29日返港，趕得切出席十一活動。
林鄭離港期間由勞工及福利局局長張建宗署理政務司司長職務。