近年蘇保羅一直倚重潘頓搏殺，不過此個組合在今季頭五次賽事均零交收，直至周日賽事才憑「福之寶」及「辣辣椒」作季內首度合作，翻查二人前季首匹合作馬「藍色海灣」入Q，上季之「競技英雄」更贏馬而回，擺明季初階段唔好唔合作，故此以上兩駒確有重視必要。
「福之寶」雖然上季八戰悉數落第，不過已減去21分之多，今仗更首度由馬房愛將潘頓操刀，同主「喜相逢」以往亦曾初配潘頓即入Q且人馬合作贏過，前駒睇配搭已露出擊手影。至於「辣辣椒」上季最後一仗初戴眼罩即入Q，僅不敵今季在三班入Q之「肥仔」，而且能壓倒「萬事欣」及「御風雲」，後兩駒今季已先後贏馬，「辣辣椒」在四班份量十足，上周由潘頓親自試大閘仄準狀態，有力贏馬開齋。