身兼青年事務委員會主席嘅Package男神劉鳴煒（圖），噚日應邀為馬會搞嘅慈善論壇做閉幕演講嘉賓；演講前有男女高音歌手表演，Package劉睇完即時話令佢諗住做個精采總結嘅希望幻滅，認真謙虛噃！
佢其後引述嘉賓發言，笑指成功人士有三大要素，包括喜歡易服、愛讀資料同鍾意三項鐵人賽。佢一向熱愛三項鐵人賽，又愛睇研究資料，而且偶爾都會為海洋公園「易服」喎，講緊扮鬼箒，因為佢係海洋公園副主席，咁講法佢都係成功人士噃！
佢之後講番跨界別合作時，就話呢樣嘢講就容易做就難，認為最緊要係參加者有共同目標。佢發現成功例子，參加者都好後生，「通常50歲以下」，呢個gag令到台下唔少人笑晒口。