32年前將Halloween扮鬼扮馬文化引進香港，「蘭桂坊之父」盛智文今年又有新搞作。蘭桂坊集團下個月將會推出自家研發捉鬼手機App LKF Monster Mash，食住Pokémon GO個熱潮，只要去到蘭桂坊街頭巷尾指定嘅地點，就可以透過AR擴增實境技術捕捉喪屍，累積到指定分數仲可換商戶優惠券，更有機會贏到雙人來回美國經濟客位機票，仲可以任揀地方！
噚日盛智文就扮成科學怪人，同囝囝盛凱（Joanthan Zeman）一齊開記招宣傳新App，仲喺台上即場示範點用App selfie同加啲鬼怪sticker。可能有兩個女藝人同場，負責揸機嘅盛凱淨係顧住影靚女，完全唔理老竇，認真不孝！
盛智文指今次個App投資成7位數字，認為網絡加新科技係未來潮流，希望帶動蘭桂坊有20%生意增長。