馬會噚日首次舉辦「香港國際慈善及社企周」，論壇開始得非常有心思，唔係就咁搵個大人物講個speech去kick off件事，而係搵來著名小提琴家姚珏演奏兩曲暖場，相當別出心裁。
主禮嘉賓財爺曾俊華聽完姚珏演奏，上台致詞時隨即幽默感大爆發，指如此舒服優雅嘅氣氛，令佢好想食牛角包兼嘆杯cappuccino，佢笑住建議，以後所有記者會開始前都應該先來一個mini concert，隨即引來全場爆笑兼掌聲如雷。
鬼咩，佢一提起記者會，大家即刻聯想到前日佢同梁振英一齊就橫洲項目開記者會解釋，有冇劍來劍往，只有佢兩位先知喇。